నడు గిడు- The King among poems with Alliteration

అడిగెద నని కడువడిఁ జను
నడిగినఁ దను మగుడ నుడవఁ డని నడ యుడుగున్
వెడ వెడఁ జిడిముడి తడఁ బడ
నడు గిడు నడు గిడదు జడిమ నడు గిడు నెడలన్.

శరణంబు వేఁడెదన్

ఎవ్వనిచే జనించు జగ మెవ్వనిలోపల నుండు లీనమై,
యవ్వనియందుడిందుఁబర మేశ్వరుఁడెవ్వఁడుమూలకారణం,
బెవ్వఁడనాదిమధ్యలయుఁ డెవ్వఁడు సర్వము దాన యైనవాఁ,
డెవ్వఁడు వాని నాత్మభవు నీశ్వరు నే శరణంబు వేఁడెదన్.

పలికెడిది భాగవతమట

పలికెడిది భాగవతమట
పలికించు విభుండు రామభద్రుండట
నే పలికిన భవహరమగునట
పలికెద వేరొండుగాద పలుగనేలా?