చక్రి సర్వోపగతుండు

ఇందుగలడందు లేడని
సందేహము వలదు చక్రి సర్వోపగతుం
డెందెందు వెదికి  జూచిన
అందందే గలడు దానవాగ్రణి వింటే !

తండ్రి హరిఁజేరుమనియెడి తండ్రి తండ్రి

కమలాక్షునర్చించు కరములు కరములు
 శ్రీనాథు వర్ణించు జిహ్వ జిహ్వ 
సురరక్షకునిఁజూచు చూడ్కులు చూడ్కులు 
శేషశాయికి మ్రొక్కు శిరము శిరము 
విష్ణునాకర్ణించు వీనులు వీనులు 
మధువైరిఁదవిలిన మనము మనము 
భగవంతు వలగొను పదములు పదములు 
పురుషోత్తమునిమీఁది బుద్ధి బుద్ధి 

దేవదేవుని చింతించు దినము దినము 
చక్రహస్తునిఁబ్రకటించు చదువు చదువు 
కుంభినీధవుఁజెప్పెడి గురుఁడు గురుఁడు 
తండ్రి హరిఁజేరుమనియెడి తండ్రి తండ్రి

సిరి

సిరి తా వచ్చిన వచ్చును
సలలితముగ నారికేళ సలిలము భంగిన్
సిరి తా బోయిన బోవును
కరి మ్రింగిన వెలగ పండు రీతి కరిణిన్ సుమతీ

పరమేశా గంగ విడుము పార్వతి చాలున్

సిరి గల వానికి చెల్లును
తరుణులు పదియారు వేలు తగ పెండ్లాడన్
తిరిపెమునకిద్దరాండ్రా?
పరమేశా గంగ విడుము పార్వతి చాలున్

కుంజర యూధంబు దోమ కుత్తుక జొచ్చెన్

రంజన చెడి పాండవులరి భంజనులై
విరటుని గొల్వ పాల్పడిరకటా
సంజయ ఏమని చెప్పుదు ?
కుంజర యూధంబు దోమ కుత్తుక జొచ్చెన్

తన కోపమే తనకు శత్రువు
తన శాంతమే తనకు రక్ష దయ చుట్టంబౌ
తన  సంతోషమె స్వర్గము
తన దు:ఖ్ఖమే నరకమండ్రు  తధ్యము సుమతి

ఇనుము - మనస్సు

ఇనుము విరగవచ్చు ఇరుమారు ముమ్మారు
కాచి ఆతుక వచ్చు క్రమముగాను
మనసు విరిగెనేని మరి అతుకవచ్చా?
విశ్వధాబిరామ వినురవేమ

సిరికిన్ జెప్పడు

సిరికిన్ జెప్పడు శంఖు చక్రయుగమున్ చేదోయి సంధింపడు
ఏ పరివారంబును జీరడు అబ్రగపతిన్ మన్నింపడు ఆకర్ణికాం
తరధమ్మిల్లము  చక్కనొత్తడు  వివాద ప్రోద్ధిత శ్రీ కుచోపరి
 చేలాంచలమైన వీడడు గజప్రాణా వనోత్సా హియై

కూరిమి

కూరిమి గల దినములలో
నేరములెన్నడు గలుగనేరవు
మరి యాకూరుమి విరసంబైనను
నేరములే దోచుచునుండు నిక్కము సుమతీ!

అటజని కాంచె

అటజని కాంచె భూమిసురు డంబర చుంబి శిరస్సరజ్ఝరీ
పటల ముహుర్ముహుర్ లుఠ దభంగ తరంగ మృదంగ నిస్వన
స్ఫుట నటనానుకూల పరిఫుల్ల కలాప కలాపి జాలమున్
గటక చరత్కరేణు కర కంపిత సాలము శీతశైలమున్

జగతి ఉపకర్తలు

తరువులతిరస ఫల గురుతగాంచు
నింగి వ్రేలుచు నమ్రుతమొసంగు మేఘుడు
ఉద్దతులు గారు సమృద్ధి చేత
జగతి నుపకర్తలకిది సహజ గుణము

అనగనగ కధలా ఆ నిన్నకు సెలవిస్తే

చిత్రం : వెంకి 

హొయ్  అనగనగ కధలా ఆ నిన్నకు సెలవిస్తే 
అరె కనులను వెలిగించే... ప్రతి ఉదయం మనదేలే
లోకాన చీకటిని తిడుతూనే ఉంటామా?
ఓ చిన్న దీపాన్ని వెలిగించుకోలేమా?  
అనగనగ కధలా ఆ నిన్నకు సెలవిస్తే
అరె కనులను వెలిగించే... ప్రతి ఉదయం మనదేలే
హెలా హెలాలా జాబిల్లి కంట్లో కన్నిల్లా?
 హెలా హెలాలా వెన్నల కురవాలా !

హొయ్  బాధలో కన్నులే కందినంత మాత్రానా...
పోయిన కాలము పొందలేముగా !
రేగిన గాయమే ఆరానంత మాత్రానా 
కాలమే సాగక ఆగిపోదుగా
అరె ఈ నేలా ఆకాశం ఉందే మనకోసం
వందేళ్ళ సంతోషం... అంతా మన సొంతం 
ఈ సరదాలు, ఆనందాలు అలలైయేలా అల్లరి చేద్దాం
అనగనగ కధలా ఆ నిన్నకు సెలవిస్తే
అరె కనులను వెలిగించే... ప్రతి ఉదయం మనదేలే
హెలా హెలాలా హెలెలాలలాళ్ళలా
హెలా హెలాలా హెలెలాలా  

ఎందుకో ఏమిటో ఎంత మందిలో వున్నా నా ఎద... నీ జతే కోరుతుందిగా
ఒంటరి దారిలో నాకు తోడువైనావు... ఎన్నడు నీడగా వెంట ఉండవా?
హె...  అరె కలలే నిజమైనాయి... కనులే వొకటయ్యీ
కలిపేస్తూ ని చెయ్యి... అడుగే చిందెయ్యీ
మన స్నేహాలు సావాసాలు కలకాలపు కధ కావాలి

శ్రమ జీవికి జగమంతా లక్ష్మి నివాసం

చిత్రం: లక్ష్మి నివాసం

 

ధనమే రా అన్నిటికి మూలం ! ఆ ధనము విలువ తెలుసుకొనుట మానవ ధర్మం 
ధనమే రా అన్నిటికి మూలం ! ఆ ధనము విలువ తెలుసుకొనుట మానవ ధర్మం
ధనమే రా అన్నిటికి మూలం
మానవుడే ధనమన్నది సృజియించెను రా. దానికి తానె తెలియని దాసుడాయె రా !
మానవుడే ధనమన్నది సృజియించెను రా. దానికి తానె తెలియని దాసుడాయె రా !
ధనలక్ష్మిని అదుపులోన పెట్టిన వాడే...  ధనలక్ష్మిని అదుపులోన పెట్టిన వాడే...
గుణవంతుడు భలవంతుడు భగవంతుడు రా...
ధనమే రా అన్నిటికి మూలం


ఉన్ననాడు తెలివి కలిగి పొడుపు చేయరా
లేని నాడు ఒడలు వొంచి కూడబెట్టరా
కొండలైను కరిగిపోవు కూర్చొని తింటే
కొండలైను కరిగిపోవు కూర్చొని తింటే
అయ్యో కూలిపోవు కాపురాలు ఇది తెలియకుంటే...
 ధనమే రా అన్నిటికి మూలం


కూలి వాని చెమటలో ధనమున్నది రా
కాలి కాపు కండల్లో ధనమున్నది రా
కూలి వాని చెమటలో ధనమున్నది రా
కాలి కాపు కండల్లో ధనమున్నది రా
శ్రమ జీవికి జగమంతా లక్ష్మి నివాసం
శ్రమ జీవికి జగమంతా లక్ష్మి నివాసం
ఆ శ్రీదేవిని నిరసించుట తీరని దోషం
ధనమే రా అన్నిటికి మూలం ! ఆ ధనము విలువ తెలుసుకొనుట మానవ ధర్మం 
ధనమే రా అన్నిటికి మూలం ! ఆ ధనము విలువ తెలుసుకొనుట మానవ ధర్మం

ఎగిరే ఎగిరే... from కొంచెం ఇష్టం కొంచెం కష్టం

ఎగిరే ఎగిరే... ఎగిరే ఎగిరే...
చూపే ఎగిరెనే... చీకటి ఎరగని దారిలో
పాదం ఎగిరెనే... భయమే తెలియని బాటలో

ప్రాయం ఎగిరెనే... పరిచయం అవ్వని తోవలో
fly high in the sky...
ఎగిరే... ఎగిరే...  పైకెగిరే
కలలే... అలలై పైకెగిరే
పలుకే... స్వరమై పైకెగిరే
ప్రతి అడుగు స్వేచ్చ కోరగా...


మనసే అడిగన ప్రశ్నకే  బదులొచ్చెను  కదా... ఇపుడే 
ఎపుడు చూడని లోకమే ఎదురోచ్చెను కదా...  ఇచటే   

 ఈ క్షణమే సంబరం ఈ క్షణమే శాశ్వతం ఈ క్షణమే జీవితం... తెలిసింది ఈ క్షణం

మౌనం కరిగెనే...  మాటల సూర్యుడి ఎండలో

స్నేహం దొరికనే.. నవ్వుల చంద్రుడి నీడలో
ప్రాణం పొంగెనే... మెరుపులు తారల నింగిలో
fly high in the sky...
ఎగిరే... ఎగిరే...  పైకెగిరే
కలలే... అలలై పైకెగిరే
పలుకే... స్వరమై పైకెగిరే
ప్రతి అడుగు స్వేచ్చ కోరగా

తెలుపూ నలుపే కాదురా

పలు రంగులు ఇలా సిద్ధం 
మదిలో రంగులు అద్దరా మనకధలకు అదే అర్ధం 
సరిపోదోయి బ్రతకడం
నేర్చై జీవించడం
గమనం గమనించడం
పయనంలో అవసరం
చేసై సంతకం... నడిచే కాలపు నుదిటిపై 
రాసై స్వాగతం... రేపటి కాలపు పెదవిపై
పంచేయ్ స్నేహితం...   కాలం చదివే కవితవై
fly high in the sky...
ఎగిరే... ఎగిరే...  పైకెగిరే
కలలే... అలలై పైకెగిరే
పలుకే... స్వరమై పైకెగిరే
ప్రతి అడుగు స్వేచ్చ కోరగా

విషధరరిపు గమనుడు

విషధరరిపు గమనునికిని, విషగళ సఖునికిని విమల విష శయనునికిన్

విషభవభవ జనకునికిని, విషకుచ చనువిషముఁ గొనుట విషమే తలపన్ 

కారే రాజులు

కారే రాజులు రాజ్యముల్ గలుగవే గర్వోన్నతిం బొందరే

వా రేరీ సిరి మూటగట్టుకొని పోవంజాలిరే భూమిపైఁ

బే రైనం గలదే శిబిప్రముఖలుం బ్రీతిన్ యశఃకాములై

యీరే కోర్కులు వారలన్ మఱచిరే యి క్కాలమున్ భార్గవా !

సమరానికి సై అనగలిగే సంసిద్ధత పేరే విజయం

ఒక విత్తనం మొలకెత్తడం సరికొత్తగా గమనించుదాం 

నిలువెత్తుగా తల ఏత్తడం నేర్పేందుకదే తోలి పాఠం

మునివేళ్ళతో మేఘాలనే మీటేంతగా ఎదిగాం మనం

పసివాళ్ళలా ఈ మట్టిల్లో ఎన్నాలిలా ఇక పడివుంటాం 

కునికే మన కనురెప్పలలో వెలిగిద్దాం  రంగుల స్వప్నం 

ఇదిగో నీ దారిటువుందని సూరీడుని రా రమ్మందాం

జాగో జాగోరే జాగో....  జాగో జాగోరే జాగో....  జాగో జాగోరే జాగో ...

జాగో జాగోరే జాగో....  జాగో జాగోరే జాగో....  జాగో జాగోరే జాగో ...

ఆకాశం నుండి సూటిగా దూకేస్తే ఉన్నపాటుగా ఎమౌతానంటూ చినుకలా ఆగిందా బెదురుగా?

కనుకే ఆ చినుకు ఏరుగా; ఆ ఏరే వరద హోరుగా; ఇంతింతై ఎదిగి అంతగా అంతరేగని సంద్రమైన్దిగా!

 సందిహిస్తుంటే అతిగా సంకల్పం నెరవేరదుగా;

ఆలోచోనకన్న త్వరగా అడుగేద్దాం ఆరంభంగా. 

జాగో జాగోరే జాగో... జాగో జాగోరే జాగో... జాగో జాగోరే జాగో...

జాగో జాగోరే జాగో... జాగో జాగోరే జాగో... జాగో జాగోరే జాగో...

ఏ పని మరి  అసాధ్యంమేం కాదె; ఆ నిజం మరీ మహా రహస్యమా?

వేసే పదం పధం పడదోసే సవాల్లనే ఎదుర్కోమా?

మొదలెట్టక ముందే ముగిసే కధ కాదోయ్ మన ఈ పయనం 

సమరానికి  సై అనగలిగే సంసిద్ధత పేరే విజయం 

జాగో జాగోరే జాగో... జాగో జాగోరే జాగో... జాగో జాగోరే జాగో...

జాగో జాగోరే జాగో... జాగో జాగోరే జాగో... జాగో జాగోరే జాగో...